GUGURITAN

Urang  kudu nyaho waktu

Ulah poho ati ati

Urang téh keur lalampahan

Lampahna di alam bumi

Kudu tumut ka pangeran

Ulah nepi ka migusti

Urang kudu nyaho waktu

Poé Senén nu mimiti

Kudu loba ka ibadah

Sabab maot téh teh pasti

Lamun di dunya geus taat

Di ahérat ogé pasti

Urang kudu nyaho waktu

Kudu loba mawas diri

Poé Salasa kadua

Ibadah mah lanjut deui

Sok sanajan ngan sorangan

Bakti nyanghareup ka Gusti

Urang kudu nyaho waktu

Di dunya sing ati-ati

Kudu panceg titincakan

Laku lampah sing dijagi

Ka kolot kudu mihormat

Ngalap berekah ka gusti

Poé rebo nu katilu

Dua poé ti mimiti

Kudu boga babaturan

Ngarah bisa ngeunteung diri

Salah aya nu ngémutan

Urang bisa silih surti

Urang kudu nyaho waktu

Nu kaopat poé kemis

Bisa puasa nu sunah

Éta téh sunah ti Nabi

Hayang jadi ahli sunah

Ulah poho maca hadits

Urang kudu nyaho waktu

Lampah hirup kudu pasti

Ngarah hirup bisa bagja

Lalakon sing ati-ati

Nu kalima mah Jumaah

Poé nu loba berekah

Urang kudu nyaho waktu

Kudu panceg dina ati

Jumaah anu berekah

Poé karesepna Nabi

Poé nu kacida éndah

Tong poho maca Al-kahfi

Urang kudu nyaho waktu

Kudu rajin mawas diri

Manusa tempatna salah

Ulah nepi ka migusti

Unggal poé kudu tobat

Kapan maot mah teu pasti

Urang kudu nyaho waktu

Pangéran mah ukur hiji

Kudu bener lalampahan

Ngalap berekah ka Gusti

Ulah poho ka Pangéran

Sing émut ka para Nabi