UCING SUMPUT

 Naskah Drama Barudak

Tokoh

1. Udin : sok heureuy

2. Dito : resep ulin

3. Rina : surti ka babaturan

4. Tina : pangleutikna

5. Pa RT : wijaksana

Babak 1

Adegan 1 : Di lapang 

Udin, Dito, Rina, jeung Tina keur arulin 

Dialog *

Dito : “Asa tos lami teu susumputan nya? Hayu ah urang susumputan!”

Rina : “Hayu, tapi urang gambréng heula.”

Udin : “Satuju! Nu éléh jadi ucing!”

Tina : “Hayuu!”

(udin nu jadi ucing)

Udin : “Yah, geuning uing nu éléh. Sok uing heula nu jadi ucing.”

Adegan 2 : Di Lapang

Udin mulai ngitung, nu séjén gura-giru néangan tempat keur nyumput

Dialog *

Udin : “Hiji.... dua.... tilu...”

Rina : “Tina, ka dieu! Urang nyumput tukangeun tatangkalan!”

Tina : “Dito, rék nyumput di mana?”

Dito : “Uing mah rék nyumput di buruan imah, deukeut kandang hayam.”

(itungan ka sapuluh Udin langsung néangan babaturanna)

Adegan 3 : Di lapang

Udin néangan babaturanna nu nyarumput

Udin : “Ah moal jauh ti dieu geura.”

Udin : (Tina kapanggih) “Hong Tina!”

Tina : “Ih, gancang pisan kapanggihna!”

Adegan 4 : Di lapang

Dito masih can kapanggih

Udin : (leumpang dekeut ka kandang hayam) “Dito cigana aya di dieu!”

Dito  : (ngajol hareupeun Udin) “Hayoh! Uing heula nu manggihan!”

Udin : “Aéh! Ngareureuas waé!”

Adegan 5 : Di lapang

(Pa RT Datang)

Pa RT : “Hayohh, keur arulin naon ieu? Kadé tong burit teuing, bisi diculik ku kalong wéwé”

Rina : “Muhun, Pa. Moal lami teuing. Kin saacan adan badé langsung wangsul.”

Pa RT : ”Omat nya! Kedap deui tos kedah uih!”

Babak 2

Adegan 1

(barudak beuki resep arulin)

Dito : “Ayeuna bagéan Uing nu ucing!”

Udin : “Sok geura tutupan mata na! Tong ngintip!”

Rina : “Enyaa, sok geura itung!”

Adegan 2

(Udin manggihan tempat alus jeung nyumput)

Udin : “Moal kapanggih mun nyumput di dieu mah.”

Dito : “Hiji.... dua.... tilu....”

Rina : “Tina, hayu urang nyumput tukangeun pager!”

Tina : “Tungguan!”

Adegan 3

Dito : “Hayohh! Kapanggih!”

Tina : “Ahh, kapanggihan waé!”

Rina : “Enya euyy.”

Dito : “Teu nanaon atuh, Uing gé tadi kapanggih tiheula.”

Rina : “Sok Dit, Si Udin téangan heula!”

Adegan 4 

(Udin masih di tempat nyumput na)

Udin : “Asyik! Urang mah teu kapanggih euy.”

Dito : “Di mana nya Si Udin, asa hésé kieu ditéanganana.”